कनक्वे मिललू हम तें रोजगार

                 

 कनक्वे मिललू हम तें रोजगार ।

 यू ही सवाल च मन मा बार बार ।

 किलै नी होणा हम पहाड जाणक तैयार ।

 जख ठंडू ठंडू बांझे की जेडियों कु पाणी ।

 जख हरी भरी सार ।

  छोडा ना तुम पहाड तें अभी भी समझी जावादों ।

 जब जाण आखिर पहाड च ये पहाड छोडिक ना  आवा दों ।

 समझा रोंत्याला पहाड की कीमत अफु तें समझावा दों ।

 ना छोडा  मेरा पहाड मेरा पहाड आवा दों ।

 कैन बोली की हम दिल्ली देहरादूण बस्यां छन ।

  हम तें पते च कनि नखरी आफत मां फंस्याछन ।

  

जेटा कू घाम

                 जेटा का घाम मा

आजकल जेटा का घाम मा
तु जाई होली प्यारी फुवगडियों का काम मा ।
यख बिजली कब जांदी कुछ पता नी हम लरक तरक होंया
पसीना सी जेटा का घाम मा ।
होली जो गेहूं छेणी लगी होली काममा ।
तु बिचारी प्यणी होली बांझ बूरांश की जेडियों कु ठण्डू पाणी।
यख त पेपसी कोका कोला लगणु जनू कल्चवाणी ।
ये पापी प्रदेश की खैर प्यारी कैमा लाणी ।
तेला घाम मा प्यारी यखुली रै ना ।
आजकल आछरियों का परा दिन दोपरा मा यखुलु जैना ।
मेरी फिकर न  मुखडी कु रंग सुखे ना ।
घास पातक बणो यखुली जै ना ।

में ते मनखि होणकु खेद च

में ते मनखि होणकु खेद च ।

मेतें ये जमाना मा मनखि होण कु खेद च।

भाई भाई मा मत भेद च ।

मामवता कू बस नारु च ।

एक हेका देखिक फूक्यणु जुकडू हमारु च ।

मनखि मनखि आपस मा लडणा तब बोना भगवान कू सारु च ।

मंदिरों मा हम भगवान खुजाणा छन ।

रोज पडोसीयों दगडी तुतु में में होणी घर मा शांति पाठ कराणा च ।

दिल मा नफरत अर घर मा घ्यू का दिवा जगाणा च ।

ब्वे बाबू पाणी क तरसदा ढुगों तें दूध पीलाणा छन ।